“
Is jy op soek na ware en blywende vreugde? Wie is nie? My vriend, het jy ontdek waar dit gevind kan word? Die Nuwe Testamentiese boek, Filippense, is so ‘n lewendige en hoopvolle brief van blydskap uit die pen van God se apostel. Dit is in werklikheid ‘n soort raadgewershandleiding, wat deur God ontwerp is om ons uit ons donker put van wanhoop te lei, na helder hoop en vreugde in Jesus Christus. Sal jy saam met my kom in ‘n soeke na die wonderlike wysheid van God, soos gevind in Sy Woord, en na die goeie en goddelike resultate wat daardie soeke vir jou sal bring as jy die antwoorde vind wat God vir jou het?
Hierdie leesgenoot is in ‘n Bybelkollege-konteks ontwikkel, maar dit bied praktiese waarhede wat oor die jare van hulp was aan talle opregte soekers na waarheid. Die materiaal is in die oorspronklike klassegmente gelaat, om verdere gebruik in ‘n klaskamer, Bybelstudie of Sondagskool omgewing te fasiliteer.
Mag die Here van heerlikheid jou hart lei, terwyl jy die wonders van Sy Woord verken. Onskatbaar is die skatte wat daar te vinde is. Mag Hy jou goeie begrip van ‘n praktiese Christelike lewe opbou, terwyl Hy jou ophef tot geestelike volwassenheid in Jesus.
“Verkry wysheid, verkry insig; vergeet nie en wyk nie af van die woorde van my mond nie” (Spreuke 4:5)